الوصف

كان عندك لوبيا و زيتون في الدّار.. لا تخمّم في دبارة ولا تحتار.. مرقة لوبيا مفوحة من يدين ملاح، مولاتهم تدلّل عائلتها باش ترتاح



المقادير

  • 1 رشة فلفل أكحل
  • 4 مغارف كبار زيت
  • 1 رشة ملح
  • 2 مغارف كبار طماطم معجونة
  • 1 مغرفة صغيرة ثوم مرحي
  • 2 روس بصل مقصوص
  • 200 غرام لحم مفروم
  • 1 رطل لوبيا شايحة ومنفخة في الماء من قبل بليلة
  • 1 مغرفة صغيرة راس حانوت
  • 300 غرام زيتون
  • 1 مغرفة صغيرة هريسة
  • 1 مغرفة صغيرة نعناع شايح

طريقة التحضير

  • 1 - صفّي اللوبيا وحطها في ماء وخليها تطيب نص طياب
  • 2 - قلّي البصل + الثوم + الأفّاحات إلّي عندك +هريسة
  • 3 - زيد فوقهم الطماطم + الماء السخون وخليها تطيب مدة 30 دقيقة
  • 4 - فوّح اللحم المفروم بالثوم+ الهريسة + راس الحانوت + الهريسة حسب الذوق. وخوذ بالطرف وأعملو كعابر وخليه يرتاح
  • 5 - صفّي اللوبيا من ماها وزيدها للطنجرة + نص الماء الي غليتها فيه
  • 6 - بعد 20 دقيقة سقّط اللحم المفروم وخلّي الطنجرة تغلي
  • 7 - زيد الزيتون وخليها تغلي دقيقتين

نصيحة الشاف

تحب تزيد تتفنن في التطيب وتدلل عايلتك ، تنجم تعدي كعابر اللحم في الشَابلير وتقليهم ومبعد تزيّن بيهم المرقة.