الوصف

ما تحلى السهرية كان بحويجة بنينة تعمل الكيف والغلة في قلبها مدلّلة تقول ضيف... أيا شنوة رايك في تيراميسو أناناس.. تحضرو بيدياتك وفي الذّواقة تاخو راي الناس؟



المقادير

  • 1 حكّة أناناس
  • 400 غرام كريمة سائلة
  • 50 غرام زبدة ذايبة
  • 1 باكو بسكويت لونق دوشا
  • 1 مغرفة كبيرة عسل
  • 150 غرام جبن للتطييب
  • 250 غرام جبن شيزكايك
  • 1 طرف نعناع

طريقة التحضير

  • 1 - صفي السيرو من حكة الأناناس وخليه على جنب
  • 2 - خوذ شطر حكّة الأناناس وطيبها
  • 3 - نحي منها كعبات واشويهم
  • 4 - أركض الكريمة مليح وزيد معاها: شطر سيرو الأناناس + الزبدة الذايبة + العسل + جبن + جبن شيزكايك
  • 5 - غطس البسكويت في سيرو الأناناس إلّي تبقّى وحطو في صحفة
  • 6 - زيد فوق منو الكريمة إلّي حضرتها
  • 7 - حطّ فوقهم فرشة أناناس طايب
  • 8 - عاود صب الكريمة فوقهم
  • 9 - زين الصحفة متاعك مالفوق بطروف الأناناس المشوي + النعناع

نصيحة الشاف

تنجمّ ترحي كعبة بسكويت وتزين بيها مع الأناناس المشوي