الوصف

لا تقلي تاريخها أندلسي ولا تقلّي وصفة مسروقة.. عز الطواجن في تونس.. طاجين الملسوقة.. طبيّق مركوز عالطاولة مقصوص مورسوات.. كي تذوق مورسو منّو تتبنّن الدجاج والجبونات



المقادير

  • 1/2 مغرفة صغيرة كركم
  • 1/2 مغرفة صغيرة فلفل أكحل
  • 250 غرام دجاج
  • 1 راس بصل
  • 12 ورقة ملسوقة
  • 8 كعبات عظم
  • 50 غرام زبدة
  • 100 غرام جبن مرحي
  • 4 طوابع جبن
  • 1/2 فنجان زيت
  • 1/2 مغرفة صغيرة ملح

طريقة التحضير

  • 1 - قصّ الدجاج طروف صغار وقلّيهم مع: الزيت + البصل المفروم + الملح + فلفل أكحل + كركم + شوية ماء
  • 2 - أصمط كعبتين عظم وقصهم طروف
  • 3 - قص الجبن طوابع طروف
  • 4 - فقصّ العظم في صحفة وزيد فوقو: طروف العظم المصموط + الدجاج + الجبن المرحي + الجبن طوابع
  • 5 - ادهن طبق الفور بالزبدة وأفرش فيه ورقتين ملسوقة وحطّ شوية مالخليط
  • 6 - تعاود نفس الطريقة في الفرشات الكل لين تكمل الملسوقة
  • 7 - سقّي طبق الطاجين بالزبدة الذايبة وحطها في الفور مدة 25 دقيقة

نصيحة الشاف

كي تحط الزيت في قلاية مبلولة وإلاّ فيها شوية ماء تعمل طشاش.. وباش تتنجبّ هذا ننصحك تحط شوية ملح قبل ما تصب الزيت