الوصف

الماكلة البايتة عند المرا المقدية تتجدّد.. شيء ما يتلوّح وعلى الميزانية تكنبس واتكتك.. سلاطة البارح تصبح اليوم طاجين فاوح... والعائلة تاكل وتقول هالأفكار منين... طاجين سلاطة ذايب في الفمّ وياسر بنين



المقادير

  • 2 قرون فلفل أخضر
  • 2 كعبات طماطم
  • 1 راس بصل
  • 6 كعبات عظم
  • 50 غرام تن
  • 50 غرام جبن مرحي
  • 2 مغارف كبار زيت زيتونة
  • 1 رشة فلفل أكحل
  • 1 رشة ملح
  • 50 غرام زيتون مقصوص

طريقة التحضير

  • 1 - قص الخضرة إلّي عندك كيما تقصها للسلاطة الخضراء
  • 2 - زيد فوقها: تن + جبن + عظم + فلفل أكحل + ملح + زيتون
  • 3 - ادهن الطبق بشوية زيت وحط فيه الخليط إلّي حضرتو وخليه في الفور 10 دقيقة

نصيحة الشاف

إذا عندك سلاطة بايتة تنجم تفقص عليها العظم وتزيدها شوية تن وجبن مرحي وحطها في الفور وهكّة تربح الوقت والدبارة