الوصف

في رمضان الكوجينة التونسية تولّي هي الساس.. بريك سلايط وطواجن دباير متبادلة بين الناس.. نتفننو في أكلاتنا إلّي كلها حكايات وقصص كيما دبارة البناضج الجاية مالأندلس



المقادير

  • 1 كيلوغرام سميد أحرش
  • 1 رطل فارينة
  • 1/2 لتر زيت
  • 1/2 مغرفة صغيرة ملح
  • 1/2 مغرفة صغيرة فلفل أكحل
  • 1/2 مغرفة صغيرة كركم
  • 1/2 مغرفة صغيرة قرفة
  • 1/2 راس بصل
  • 750 غرام لحم مفروم

طريقة التحضير

  • 1 - حضّر العجين متاعك المتكون من: سميد + فارينة + ملح + زيت + ماء
  • 2 - فوّح اللحم المفروم: ملح + فلفل أكحل + كركم + قرفة
  • 3 - قلي اللحم المفروم المفوح في شوية زيت + بصل
  • 4 - أطرح العجين بالقلقال وقصها دورات صغار
  • 5 - حطّ على كل طرف عجين حشو اللحم المفروم واثنيها على اثنين
  • 6 - سكر الحرف متاع عجينة مليح واقلي البناضج في الزيت

نصيحة الشاف

البناضج والبريك الدنوني يطيبو مقليين في الزيت، أما برشة ناس ما تحبش المقلي هذاكة علاش تنجم تحط البريك الدنوني في الفور أما بعد ما تدهنو بالعظم من برة وصحة وبالشفاء