الوصف

التونسي بعد ما يشق فطرو تتحل عينيه ويوليّ يخمّم في حاجة بنينة يعدّي بيها السهريّة.. كعيبة حلو كيما يويو.. غاطسة في شحورها مرشوشة بالجلجلان



المقادير

  • 1 كيلوغرام فارينة
  • 1 كيس خميرة كيميائية
  • 1 كوب زيت
  • 1 كوب سكّر
  • 1 كيس سكر فانيليا
  • 4 - عظم
  • 1/2 كوب عطرشية
  • 1 كوب للشحور: ماء
  • 2 كوب للشحور: سكر
  • 1/2 حبة للشحور: قارص
  • 1/2 كوب للشحور: عطرشية
  • - - زيت للقلي
  • - - فاكية أو جلجلان للزينة

طريقة التحضير

  • 1 - أركض العظم + السكر + عظم+ الزيت + سكر الفانيليا
  • 2 - زيد الفرينة والخميرة واركض
  • 3 - نخلطو المكونات مليح حتى نتحصلو على عجينة متماسكة
  • 4 - حل العجينة إلّي عندك بالقلقال في علو 1 صم ونطبعوها في شكل دور صغار و وبعد ننقبوهم في الوسط
  • 5 - أقلي كعبات اليويو في الزيت
  • 6 - ذوّب السكر في الماء وحط معاه القارص وابقى حرك لين الشحور يطيب
  • 7 - غطّس كعبات اليويو في الشحور ورشهم بالجلجلان

نصيحة الشاف

كان العجينة جاتك مش ملمومة  تنجم تزيدها شوية فرينة، رش الفرينة في البلاصة إلي بش تحلها فيها بش ما تلصقش وصحة وبالشفاء