الوصف

للي يحب الكوجينة التونسيَة أكيد يعشق الماكلة الزمنيَهة ، مدفونة ، خبَيزة وإلا شبيتيَة ما فماش ما أبن من الماكلة التونسية التقليدية، وكيما جمهور الكورة يعشق الدربي ،جمهور الكوجينة يموت على الروز الجربي، ورغم إلي بنتو ما فمَاش برشة ناس ما تعرفوش كيفاش وهذي الوصفه و ببلاش



المقادير

  • 1 مغرفة صغيرة الملح
  • 1 مغرفة صغيرة من الكركم
  • 1 مغرفة صغيرة فلفل أكحل حسب الرَغبة
  • 2 مغرفة كبيرة هريسة
  • 1 مغرفة كبيرة فلفل أحمر
  • 2 فنجان زيت
  • 1 كعبة ثومه مهروسه
  • 1 ربطة سلق
  • 3 مغرفة كبيرة طماطم معجونة
  • 1 رطل بصل
  • 2 كيسان معدونس
  • 250 غرام كبدة علوش
  • 500 غرام لحم علوش
  • 1 كيلوغرام روز
  • 50 غرام نعناع شايح

طريقة التحضير

  • 1 - نفرزو المعدنوس والسلق وأغسلهم مليح ونقصهم مع البصل
  • 2 - قص اللحم وكبدة العلوش طروف صغيرة
  • 3 - فور الروز في كسكاس بعد ما تغسلو مليح
  • 4 - قلّي في الزيت : البصل + الطماطم + الثوم المرحي + الأفاحات إلّي عندك
  • 5 - زيد الماء للطنجرة وخليها تغلي مدة دقايق
  • 6 - خلط المرقة إلّي حضرت مع الروز ونخليهم يتفوَرو لمدة 1 ساعة .

نصيحة الشاف

تقشير البصل وإلاّ قصانو، يخلي الدموع تجري من عينيك بسبب ريحتو القوية، وحتى تحافظ على الماكياج إلّي في عينيك، حطّ البصل في الفريجيدار لمدة 10 دقائق، وإلاّ في ماء بارد لمدة نص ساعة قبل ما تستعملو