الوصف

قد ما صنفّت وقد ما كليت.. عمري ما ذقت بنّة كي بنة سلاطة البلانكيت.. دبارة تونسية فيها خبز ملفوف في الهريسة، مزيّن بالتن و السلاطة المشوية



المقادير

  • 1/2 مغرفة صغيرة تابل وكروية
  • 1 رشة ملح
  • 2 فصوص ثوم
  • 1 راس بصل
  • 2 كعبات طماطم
  • 3 قرون فلفل أخضر
  • 3 مغارف كبار هريسة
  • 50 غرام زيتون
  • 50 غرام تن
  • 1 كعبة باقات
  • 2 مغارف كبار زيت زيتونة
  • 2 كعبات عظم مسموطين ومقصوصين طرونشات

طريقة التحضير

  • 1 - اشوي الخضرة إلّي عندك: فلفل + طماطم + بصل + الثوم
  • 2 - ارحي الخضرة المشوية وزيد معاهم: ملح + تابل + زيت زيتونة
  • 3 - قص الباقات طرونشات متوسطين
  • 4 - خلّط في صحفة: هريسة + ماء + زيت زيتونة
  • 5 - غطّس طرونشات الباقات في الهريسة
  • 6 - حط طرونشات الباقات في طبق وزينهم مالفوق: سلاطة مشوية + تن + زيتون + عظم مسموط

نصيحة الشاف

بخلاف البنة إلّي نلقاوها في سلاطة البلانكيت، لازمنا نعرفو إلّي النوع هذا مالماكلة التونسية جاء كحلّ لكلّ مرا باش ما تلوحش البايت من خبز وسلاطة وغيرها، هذاكة علاش تنجم تعوض السلاطة المشوية بأي نوع سلاطة آخر بايتة وصحّة وبالشفاء