الوصف

بخلاف إنّو يسميوها ماكلة الشتاء وبيها يلقى البدن الدفا.. مرقة الخضرة الماكلة إلّي تحميك من أمراض وسلبيات وتعطيك برشة فيتامينات.. 



المقادير

  • 1 مغرفة كبيرة طماطم معجونة
  • 1 كوب زيت
  • 2 فصوص ثوم مرحي
  • 1 راس بصل مقصوص
  • 100 غرام حمص منفّخ
  • 2 قرون فلفل أخضر مقصوصين
  • 250 غرام لفت وسفنارية مقصوصين طروف صغار
  • 150 غرام معدنوس مقصوص
  • 250 غرام سبناخ مقصوص
  • 250 غرام سلق مقصوص
  • 500 غرام لحم بقري
  • 1 مغرفة صغيرة هريسة
  • 1 مغرفة كبيرة تابل وكروية
  • 1 مغرفة كبيرة فلفل أحمر
  • 1/2 مغرفة صغيرة فلفل أكحل
  • 1 رشة ملح

طريقة التحضير

  • 1 - قليّ اللحم + البصل + الزيت
  • 2 - حطّ الخضرة المقصوصة: سبناخ + معدنوس + سلق + لفت + سفنارية
  • 3 - زيد الحمص وخلّي الطنجرة تتقلى لين الخضرة تشرب الماء إلّي سيبتّو
  • 4 - زيد للخضرة: طماطم معجونة + تابل + ثوم + فلفل أحمر + فلفل أكحل + هريسة+ الماء
  • 5 - أرمي طروف الفلفل الأخضر المقصوص وخليه مدة 5 دقائق فوق النار

نصيحة الشاف

أغسل الخضرة مليح  قبل ما تستعملها خاترها تشد برشة تراب وصحة وبالشفاء