الوصف

يقوللها بنت الطليانية.. وبنّتها خلاتها متميزة في الطاولة التونسية.. إي نعم هذيكة هي المقرونة المحشيّة بالجبونات واللحم المفروم، وفي صلصتها غاطسة تعوم



المقادير

  • 500 غرام مقرونة كانيلوني
  • 1 حكّة صلصلة طماطم
  • 500 غرام لحم مفروم
  • 1 راس بصل مفروم
  • 2 فصوص ثوم مرحي
  • 2 مغارف كبار زيت
  • 1 رشة ملح
  • 1 مغرفة صغيرة فلفل اكحل
  • 1 كوب موزاريلا مبشورة

طريقة التحضير

  • 1 - فوح اللحم المفروم بالفلفل الأكحل + الملح
  • 2 - قلي اللحم مع الزيت +البصل + ثوم
  • 3 - كي يطيب اللحم زيد شطر كمية الصلصة
  • 4 - احشي مقرونة الكانيلوني بخليط اللحم المفروم
  • 5 - حطّ شوية الصلصة في طبق الفور
  • 6 - صفف فوق منها كعبات المقرونة
  • 7 - زيد فوق منها الصلصة وأعمل رشّة جبن
  • 8 - حطّ الطبق في الفور لمدة ساعة وتحت درجة حرارة 200 درجة

نصيحة الشاف

تنجم تحضر الصلصة في الدار كيما تحضر صلصة المقرونة أما خفيفة شوية، ولازمك تسقّي بيها مليح الكانيلوني باش تطيب وما تبقاش نيّة وتنجم زادة تسمط الكانيلوني في ماء سخون مدة 4 دقائق قبل ما تحطّلها الحشو