الوصف

ضرب وقت التصنيف دخلت لكوجنتها.. من عولة رمضان خمّمت في دبارتها... ضربت أخماسها في أسداسها وقررت بصحيّن يشهّي وبنين تزين طاولتها .. إي هذي هي... خضراء بالأصفر تقول برازيلية.. جلبانة زعرة بالعلوش تودّ بيها عائلتها جمليّة.. 



المقادير

  • 2 مغارف كبار معدنوس مقصوص
  • 1 مغرفة صغيرة زعفران
  • 1 مغرفة كبيرة تابل وكروية
  • 1 راس بصل
  • 500 غرام لحم علوش
  • 2 كعبات قنارية
  • 1 رطل جلبانة
  • 3 مغارف كبار زيت
  • 1 مغرفة صغيرة كركم
  • 1 قرن فلفل أخضر
  • 1 كعبة قارص مقصوصة طرونشات
  • 1 رشة ملح

طريقة التحضير

  • 1 - قلّي اللحم في الزيت + البصل
  • 2 - زيد للطنجرة الماء + الجلبانة + الكركم + الزعفران + الفلفل الأكحل + رشة ملح
  • 3 - كي يطيب اللحم أرمي في الطنجرة: القنارية (الكعبة على 4) + طرنشات القارص + الفلفل
  • 4 - الجلبانة الزعرة متاعنا حاضرة ما بقالك كان تزيدها رشة معدونس وصحة وبالشفاء

نصيحة الشاف

كي تحط الماكلة في الصحن، ديما أبدى باللحم، باش يبقى صحيح ومنظرو مزيان