الوصف

الليلة ليلة النص من سيدي رمضان . و كيما جرات العادة في كل دار تونسية ،العشاء كسكسي بالعلوش. لحيمة طرية و بنينة و كويس لبن بارد يرد الروح . اليوم بش نودوكم بكسكسي المواسم ، كسكسي العلوش بالحمص و الزبيب



المقادير

  • 1 كأس زيت نباتي
  • 5 كعبات عود قرنفل
  • 1 مغرفة صغيرة كركم
  • 2 مغارف كبار فلفل أحمر
  • 1 رشة فلفل أكحل
  • 1 مغرفة صغيرة ملح
  • 100 غرام زبيب
  • 100 غرام حمص منفخ
  • 3 مغارف كبار طماطم معجونة
  • 500 غرام بصل
  • 5 كعبات عظم مصموط
  • 1 كيلوغرام لحم علوش
  • 5 قرون فلفل أخضر
  • 750 غرام كسكسي

طريقة التحضير

  • 1 - نسخنوا الزيت و نقليو فيه قرون الفلفل
  • 2 - نخرجوا قرون الفلفل وننقصوا شوية من الزيت بش نبثبثوا بيه الكسكسي.
  • 3 - نقليوالبصل في الزيت
  • 4 - نحطوا الطماطم المعجونة
  • 5 - نفوحوهم بالملح +فلفل أكحل +فلفل أحمر +عود قرنفل+كركم
  • 6 - نمرقوا بالماء السخون ,نرميو الحمص, نزيدوا اللحم
  • 7 - نخليوهم يطيبوا وما ننساوش نمرقوا بالماء السخون ساعة ساعة
  • 8 - ناخذوا 750غ كسكسي نبثبثوه بالزيت والماء ونزيدوه شوية ملح ,نحطوه يوفر لمدة 20 دقيقة
  • 9 - نهبطوه ونمرقوه ونعاودوا نحطوه يفور لمدة 10دقايق ، نهبطوه ونعاودو نمرقوه
  • 10 - نزينوا شقالة كسكسينا باللحم والعظم والحمص و الزبيب . انشاء تاكلوه بالشفاء والهناء

نصيحة الشاف

نغليو الزبيب في الماء قبل ما نحطوه في المرقة