الوصف

دبارتنا اليوم جاتنا من قاع البحر، تدبي وجايبة في صوابعها الثمنية منفعة للبدن، تحمينا وتبعد علينا الخطر، دبارتنا اليوم موش صوابع علجيّة، دبارتنا اليوم صوابع قرنيطة في سلاطة مفوحة مرميّة



المقادير

  • 1 مغرفة كبيرة عصير قارص
  • 1 مغرفة كبيرة معدنوس مقصوص
  • 2 فصوص ثوم مرحي
  • 1 كيلوغرام قرنيط
  • 3 مغارف كبار زيت زيتونة
  • 1 رشة ملح
  • 1 رشة فلفل أكحل

طريقة التحضير

  • 1 - نظّف القرنيط مليح: نحيلو الظوافر، نظّف الراس نحيلو اعضاؤوا الدخلانيّة، أغسلو مليح ويحطو يغلي في الماء لمدة 40 دقيقة
  • 2 - خرج القرنيط مالطنجرة وعاود أغسلو بالماء البارد ومن بعد قصو طروف صغيرة
  • 3 - في صحفة حطّ: قرنيط مقصوص + زيت زيتونة + ثوم مرحي + معدنوس + عصير قارص + الملح + الفلفل الأكحل وخلطهم مليح
  • 4 - غطي الصحفة وحطها في الفريجيدار مدة ساعة وصحة وبالشفاء

نصيحة الشاف

القرنيط ما يتكلّش نيّ خاتر فيه خطر على البدن