الوصف

للي يحب يدلل على المحبوبة ما عليه كان يطلب منها تطيبلو المقلوبة، بنة وأفّاح وريحتها تشهي الناس الملاح،  المقلوبة كيفها كيف الخطوبة تستحق وسع بال وغرام وإلتزام بالوصفة المطلوبة وللي تحب تتعلمها تقرا مليح تو تفهمها :



المقادير

  • 1 مغرفة صغيرة زعفران
  • 1 مغرفة صغيرة فلفل أكحل
  • 1 مغرفة صغيرة ملح
  • 500 غرام روز
  • 4 كعبة طماطم
  • 3 كعبة باتنجان
  • 4 كعبة بصل كبار
  • 1 كيلوغرام لحم علوش أو بقري حسب الرغبة مقصوص مربعات
  • 1/2 مغرفة صغيرة قرفة
  • 1 مغرفة صغيرة جوزة الطيب المرحيَة
  • 300 مليلتر زيت للقليان

طريقة التحضير

  • 1 - حطّ اللحم مع الملح والفلفل الكحل والزعفران في الماء مع البصل وخلّيه يغلي
  • 2 - قص الخضرة إلّي عندك: الباذنجان، البصل،الطماطم
  • 3 - قليّ الخضرة مليح كل وحدة وحدها
  • 4 - أغسل الروز وبعد ما تصفيه وتفوحو اصمطو في الماء
  • 5 - صفي الروز وزيد معاه: القرفة + الزعفران + الملح + الفلفل أكحل + جوزة الطيب
  • 6 - حطّ في طبق فرشة باتنجان
  • 7 - زيد فوقها فرشة طماطم
  • 8 - من بعد فرشة بصل مقلّي
  • 9 - زيد فوقو فرشة روز مفوّح
  • 10 - سقّي المكونات بمرقة اللحم
  • 11 - حطّ الطبق على نار قوية وخلي الروز يطيب مليح
  • 12 - الماكلة متاعنا حاضرة تنجم توة تحط فوقها اللحم

نصيحة الشاف

المقلوبة تتعمل ببرشه طرق ومقلوبة البتنجان باللحم من ألذ وأطيب أنواع المقلوبة، أما تنجم زادة تعوّض الطماطم بالباطاطا

وصحة وبالشفاء .