الوصف

في سدي رمضان النهار بدا يطوال، وباش تقصرو العشوية شنوة رايكم في رحلة عالمية تهزنا لأمريكا الشماليّة ونجيبو معانا صحيفة شربة مكسيكية



المقادير

  • 1 مغرفة صغيرة كمون
  • 1 مغرفة صغيرة توابل
  • 400 غرام طماطم معجونة
  • 6 كيسان مرقة الدجاج
  • 1/2 صدر دجاج
  • 4 فصوص ثوم مرحي
  • 1 قرن أخضر مقصوص جويّد
  • 2 طروف كرافس مقصوصين جويدين
  • 1 راس بصل مقصوص
  • 1 مغرفة كبيرة عصير قارص
  • 1 رشة تابل
  • 1 رشة ملح
  • 2 مغارف كبار زيت زيتونة

طريقة التحضير

  • 1 - قلّي: البصل+ الكرافس+ الثوم + الفلفل+ الزيت زيتونة لين يولّيو طريّين
  • 2 - زيد فوقهم: دجاج + أفّاحات + الطماطم + مرقة الدجاج وخليهم يخليو لمدة ساعة
  • 3 - خرّج الدجاج وحطو في صحفة وفترشو بزوز فراشط
  • 4 - خلّط الدجاج بالتابل+ عصير الليمون
  • 5 - رجع الدجاج المفوح للطنجرة وحركها باش تتخلّط وصحة وبالشفاء

نصيحة الشاف

باش تعمل مرقة الدجاج تنجّم تاخو طرف دجاج وتفوحو ومن بعد تغليه وتاخو الماء متاعو، وإلاّ تاخو طابع كنور وتغليه وتاخو الماء متاعو