الوصف

كي تقعد فوق طاولة وفيها مقرونة مفوحة بالحبق والفلفل برلعبيد، ريحتها تنسيك رمضان وتعيشك أجواء العيد، ما عليك كان تنسى الريجيمات وكلام النبارة، تنحّي شهوتك وتسأل على وصفة هالدبارة



المقادير

  • 400 غرام مقرونة
  • 350 غرام صلصة طماطم
  • 3 قرون فلفل برلعبيد
  • 2 فصوص ثوم مرحي
  • 8 أوراق حبق
  • 3 مغارف كبار زيت
  • 1 رشة ملح
  • 1 مغرفة كبيرة فلفل أحمر
  • 50 غرام جبن مرحي
  • 100 غرام زيتون مقصوص
  • 1 رشة معدنوس

طريقة التحضير

  • 1 - أغسل الفلفل برلعبيد قصو في زوز ونحي الزريعة من بعد قصو جوّيد
  • 2 - قلّي فلفل برلعبيد في زيت سخون لمدّة 5 دقائق
  • 3 - زيد فوقهم الحبق + الثوم
  • 4 - حطّ معاهم: صلصة الطماطم + الملح + الفلفل أحمر
  • 5 - هبط الطنجرة من فوق الغاز وخليها تبرد لمدة نصّ ساعة
  • 6 - اسمط المقرونة وخلطها بالصلصلة + الزيتون + رشة جبن ومعدنوس مالفوق وصحة وبالشفاء

نصيحة الشاف

طريقة ساهلة تخلي الحبق أخضر وما يشيحش، وهي إنكّ تحطو في حكة مفروشة بأي نوع ورقة تشرب الرطوبة، وتزيد تغطيه بورقة أخرى وتسكر الحكة مليح وتحطها في الكونجيلاتو