الوصف

‘’الشباكية ‘’  بنة مغربية، معسلة و بالجلجلان مرشرشة وفي تونس فما شكون يقولها القريوشة وفما شكون يسميها مخبلة 



المقادير

  • 1 كيلوغرام فرينة (طحين)
  • 250 غرام زبدة ذائبة
  • 1 كعبة عظمة (بيضة)
  • 1 باكو خميرة كيميائية
  • 1/2 مغرفة صغيرة الملح
  • 3 مغارف كبار ماء الزهر
  • 1/2 لتر زيت نباتي
  • 250 مليلتر شحور

طريقة التحضير

  • 1 - تخلط الفرينة والملح و الخميرة وبعد تزيد عليها عظمة والزبدة الذايبة وماء الزهر.
  • 2 - تزيد الماء بشوية وتخلط باليد حتى تولي عجينة متماسكة ورطبة .متعجنش برشا.
  • 3 - خلي العجينة ترتاح لمدة 30 دقيقة .
  • 4 - حل العجينة بالقلقال حتى تولي رقيقة، وبعد تستعمل عجلة المعجنات المسننة، تقصها مستطيلات صغيرة.
  • 5 - المستطيلات الرقيقة، تقصهم في الوسط سبت سبت متوازية و متساوية فاللخر تضفرهم .
  • 6 - كعبات الشباكية (القريوشة) يتقلاو في الزيت حتى يولي مذهب ، وبعد يتغطسو في شحور سخون.

نصيحة الشاف

كعبات القريويشة لازم يتحطو في صفاية كبيرة باش يهبط الشحور الزائد ويترشو بالجلجلان (السمسم) 

و تذوّق قداش بنان