الوصف

دبارتنا اليوم لا فيها لحيمة ولا حوتة، دبارة ساهلة خفية وكلها ريقوتة.. أيا شمّر على ذراعاتك وخوذ الفارينة.. رافيولي بالريقوتة يبدى بتحضير العجينة



المقادير

  • 400 غرام فارينة
  • 5 كعبات عظم
  • 2 مغارف كبار زيت
  • 2 أوراق صوجا
  • 250 غرام ريقوتة
  • 80 غرام جبن بارميزان مفروم
  • 2 قرون فلفل أحمر مقصوصين شرايح جويّدة
  • 1 فص ثوم مرحي
  • 1 رشة ملح
  • 1 رشة فلفل أكحل

طريقة التحضير

  • 1 - خلّط الفارينة + الملح + العظم + مع الزيت لين تولّي عجينة
  • 2 - لف العجينة وخليها ترتاح ساعة من زمان
  • 3 - ارحي الصوجا وخلي منها أوراق للزينة
  • 4 - في صحفة خلّط: الريقوتة + الصوجا + الثوم + الملح + الفلفل
  • 5 - حل العجينة وأقسمها على زوز طروف متساوية
  • 6 - فوق طرف عجينة: فرقّ الريقوتة أكوام وبعدهم على بعضهم
  • 7 - حطّ الطرف الثاني مالعجينة فوق الطرف الأوّل
  • 8 - خوذ قالب مدوّر وابدى قصّ الرافيولي وثبت من تسكيرها مليح
  • 9 - ارمي رافيولي في ماء يغلي وملح لمدة 3 دقائق
  • 10 - صفي رافيولي ورشها بالبارميزان + شرايح الفلفل الأحمر
  • 11 - حطّ رافيولي في صحن وفرّق فوقو الجبن ومن غير ما تنسى أوراق الصوجا

نصيحة الشاف

تنجّم تحطّ رافيولي في طبق وتصبّ عليه صلصة بشاميل وتحطّها في الفور درج من زمان وصحة وبالشفاء