الوصف

رغملّي الماكلة شتويّة، أمّا في رمضان تولّي مشتهية، صحيفة سدر بالكعابر مفوحة محرحرة وبنينة حضرتها للاّت الدار وركزتها على السفّرة العظيمة، وكان إنت تحب اتبع دبارتها اعمل طلة على وصفتها



المقادير

  • 200 غرام لحم مفروم
  • 1 - ملح
  • 1 فنجان زيت
  • 100 غرام (سدر (سميد متوسط
  • 1 ملعقة طعام طماطم
  • 1/2 ملعقة قهوة هريسة
  • 1 ملعقة قهوة تابل وكروية
  • 1 ملعقة طعام فلفل أحمر
  • 2 أوراق كرافس
  • - - فلفل أكحل
  • 1/2 ملعقة طعام ثوم مرحي
  • 1/2 ملعقة طعام نعناع شايح
  • 1/2 - ليمون املّح
  • 1 - كبّار

طريقة التحضير

  • 1 - سخّن الزيت وأرمي فيه طماطم + الفلفل أحمر + الفلفل الأكحل + تابل وكروية + الثوم + الهريسة
  • 2 - امرق الطنجرة بالماء وزيدها الكرافس
  • 3 - فوّح اللحم المفروم كي العادة بالملح + الفلفل الأكحل + الهريسة + النعناع + الفلفل الأحمر + تابل وكروية
  • 4 - أعمل اللحم المفروم المفوّح كعابر صغيرة وأقليهم في الزيت
  • 5 - خلّي كعابر اللحم يستقطرو مالزيت ومن بعد أرميهم في المرقة إلّي تغلي
  • 6 - بعد ربع ساعة امرق الطنجرة وكيف تغلي زيدها السدر
  • 7 - قبل ما تهبط الطنجرة من فوق النار زيدها النعناع + الكبار + مع الليمون الملّح

نصيحة الشاف

السدر يتصّب بالشوية بالشوية في الطنجرة وقت الطياب ولازمك ما تقصّش على التحريك