الوصف

كي تحب تعمل بيتزا في الدار.. لازمك اتبع الحكار.. ولازمك زادة تحضرها من ساسا لراسها.. حتى مالصلصة ماذابيك تكون من صويبعاتك تتعلم وتعلّمها لجيرانك وصاحباتك



المقادير

  • 1 كعبات طماطم
  • 1 مغرفة صغيرة حبق
  • 1 مغرفة صغيرة ملح
  • 1 مغرفة كبيرة سكر
  • 1 مغرفة صغيرة زعتر
  • 1/4 مغرفة صغيرة فلفل أكحل
  • 1/2 مغرفة صغيرة ثوم مرحي

طريقة التحضير

  • 1 - اغسل الطماطم وشرّحها بالسكينة من غير ما تقصها
  • 2 - عبّي طنجرة بالماء وأرمي فيه الملح وخليه يغلي
  • 3 - حضرّ صحفة فيها ماء بارد وثلج
  • 4 - غطس الطماطم إلّي حضرتها في الماء السخون مدة 30 ثاثية وخرّجها بالقطّارة وغطسها في الماء البارد لمدة 30 ثانية
  • 5 - نحيّ القشرة للطماطم وحطّها في الخلاط وارحيها
  • 6 - زيد معاها باقي المكونات: بصل + فلفل أكحل + ثوم + زعتر+ ملح + حبق + سكر وخلّط مليح
  • 7 - حطّها عالنار وزيدها الأفاحات إلّي تحبها من ثوم + بصل + حبق

نصيحة الشاف

كي تحب تقشر الطماطم متاع البيتزا سخّن سكينة وابدا قشّر من لوطة وانت طالعة لفوق، تتنحى بسهولة وما تاخوش مالكعبة