الوصف

دبارتنا اليوم خفيفة وتتسمى مالمقبلات.. دبارتنا ماهياش صمصمة أما تتعمل زادة مثلثات.. ومن داخل كلها دجاج ويقلولها بريوات



المقادير

  • 1.5 كيلوغرام دجاج
  • 5 روس بصل مقصوص
  • 1/4 كأس زيت
  • 1 رشة ملح
  • 1/2 مغرفة صغيرة قرفة
  • 1 مغرفة صغيرة زعفران
  • 1 ربطة معدنوس مقصوصة
  • 8 كعبات عظم
  • 500 غرام ملسوقة
  • 200 غرام زبدة ذايبة
  • 1 كعبة أصفر عظمة وإلاّ 2 مغارف نشاء مخلطين بالماء

طريقة التحضير

  • 1 - قلّي الدجاج مع: البصل+ الزيت + الملح + التوابل
  • 2 - امرق الطنجرة وخلّي الدجاج الدجاج يطيب فوق نار متوسطة لمدة 25 دقيقة
  • 3 - خرج الدجاج مالطنجرة وقصّو طروف وخلّي الطنجرة عالنّار
  • 4 - فقّص العظم في مرقة الدجاج وحركها لين يطيبو
  • 5 - زيد طروف الدجاج للمرقة وحركها
  • 6 - قصّ أوراق الملسوقة بالطول وادهن كل طرف بالزبدة
  • 7 - حطّ مغرفة كبيرة من خليط الدجاج واثني الملسوقة في شكل مثلث ماليمين لليسار وماليسار لليمين
  • 8 - سكّر حرف البريوات بأصفر العظمة وإلاّ ماء ونشاء
  • 9 - حطّ البريوات في طبق وادهنها بالزبدة ومن بعد حطها في الفور

نصيحة الشاف

البريوات تنجم تكون بالدجاج، كيما تنجم تكون بغلال البحر، وإلا حتى بشوية خضرة ولحم مفروم