حلويات

حلويات


شبابك الجنة

ندور ندور، وفي الإخّر نرجع للحلو التونسي المشهور، حلو دياري يحبوه صغاري، وعلى خاتر هوما مدلّلين، نودهم بشبابك الجنّة وناخو رايهم في هالحلو البنين

قلاس بالفراز

شاهية تاكل الفراز أما السخانة تخليك تلوّج على كعبة قلاس؟.. أيا شنوة رايك تعمل خلطة بين الاثنين والبنّة تولّي بنّتين؟

الطربوش التونسي

الصيف كلو فروحات، تلقى الأعراس وتلقى الطهورات، وكي تقول طهور تقول الحلة التونسية الزمنية مالقفطان للجبة الحرير والشاشيّة، يخرج المطهّر معنقر الكابوس وفي السهرية يدورو طبق حلو الطربوش

أسهل ثنية للقلاس في عزّ السخانة

الخدمة في الصيف شطر وقت، أما بحرارة الشمس كل شيء يمساط وتقول عليه مقط، أيا تصور روحك تروح في غرغور القايلة للدار وتلقى كعيبة قلاس تستنى فيك وفي السخانة وتعب الطريق تنسيك

مربى التين (كرموس)

التين فاكهة صيفية شهية، غنية بالمنافع وتعالج الإمساك.  لكي تتمتع بطعمها حتى في فصل  الشتاء نقدم لكم وصفة مربى تين ناجح وسهل التحضير

إطعّم المدموجة الأصليّة

بالتمر والزبيب زيّن صحين المدموجة وذوقها لكل حبيب... وكان تحب تعرف أصلها منين.. نقلك حلوّ تونسي توة سنين... فمة إلّي يبدا بيها نهارو ويشدّ الثنية وفمة إلّي يحلي بيها العشوية.. وإذا تحب تجرّبها تبع الوصفة كيف ماهي

غريبة بيضة

موش مرا تونسية كان ما تباتش كلّ ليلة من ليالي رمضان تصنّف في الحلو وتوصّل للكوشة بالصينية، يا حسرة على أيّام زمان، توة كلّ شيء في الدار والغريبة إلّي كانت تاخذو ساعات ليل توة ولات تحضر في أقلّ من ساعتين

دقلة محشيّة

توة عاد وقيت المواسم والخطوبات، وفي عادة التوانسة كي يزورو الأنساب يهزو في يديهم هديّة ومعاها طبيّق دقلة محشيّة

تشيز كايك

أكيد برشة فينا قلقها التطييب وجو الكوجينة، أمّا كيف تلقى حاجة ساهلة وبنينة، ما تقولش لا وفي تحضيرها تقلّك أنا الهنا، هذاكة علاش جبتلكم تشيز كيك بالفراز

كعابر اللوز الملونة

في كلّ عيد صغير ومن عهد الجدود، الدار الكبيرة هي المقصود، تلم العائلة بعد شهر صيام، وما تسمع كان الضحكة وعز الكلام، طاولة منصوبة قهاوي عربي، مرش الزهر ومن جنبو صحن الحلو يطل، حلو على كل لون يا كريمة، أما عز الألوان تلقاه في كعابر اللوز البريمة

بريكة حلوّة

بريكتنا اليوم موش كيما البريكات، لا تلقى فيها لا ملح ولا جبونات، بريكة حلوة مشتهية فيها الغلة وفيها زادة المكسّرات، وكان تسألني كيفاش نقلك خليك معايا وتبّع الخطوات

سلاطة غلّة

الغلّة في بنتّها والبنّة تتزاد كي تلقى صويبعات تعرف قيمتها، منها تحضرّ عصير ومنها تقصّ سلاطتها، صويبعات شتاء وإلاّ صيف تتفنّن وعلى الغلّة تعمل الكيف